सिसहनियाँमा बस दुर्घटना, ४ जना घाइते

ओमप्रकाश गुप्ता
। काठमाडौँबाट रुकुमका लागि छुटेको बा ४ ख १७३२ नम्बरको बस देउखुरीमा दुर्घटना भएको छ । पूर्व–पश्चिम राजमार्ग अन्तर्गत लमही–भालुबाङ्ग सडक खण्डको राप्ती गाउँपालिका वडा नम्बर ५ कमलरोड सिसहनियामा दुर्घटना भएको प्रहरी चौकी सिसहनियाँले जानकारी दिएको छ ।

दुर्घटनामा परी ४ जना घाइते भएका छन् । घाइते हुनेहरुमा रुकुमका २८ वर्षिय थमबहादुर वली, ४१ वर्षिय माया पुन,५५ वर्षिय विना बाठामगर रहेको र एक जनाको भने नाम नखुलेको प्रहरीले बताएको छ । घाइतेहरुको सिसहनियाँ स्वास्थ्य चौकीमा उपचारपछि डिस्जार्च भइसकेको प्रहरीले जनाएको छ ।

लठ्ठहवाका व्यापारी बुढाथोकीको मोटरसाइकल चोरी
। दाङको देउखुरीमा एक व्यापारीको मोटरसाइकल चोरी भएको छ ।

राप्ती गाउँपालिका वडा नम्बर ५ लठ्ठहवाका न्यू माण्डवी किराना एण्ड गल्ला पसलका सञ्चालक युवराज बुढाथोकीको रा १ प ७६८९ नम्बरको कालो रङको सुपर स्पेल्डर मोटरसाइकल मंगलवार राती पौने १ बजेको समयमा पसल अगाडी पार्किङ गरी राखेको अवस्थामा चोरी गरी पश्चिम तर्फ भागेको सञ्चालक बुढाथोकीले जानकारी दिएका छन् ।

चोरी गरि भागेको देख्ने बित्तिकै उनले प्रहरी चौकी सिसहनियाँलाई जानकारी गराएका छन् । यता मोटरसाइल चोरी गर्ने व्यक्तिको खोजी कार्य जारी रहेको प्रहरीले बताएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।