भरतपुरमा आज पनि रवि लामिछाने समर्थक र प्रहरीबीच झडप भएको छ। गस्तीमा रहेको प्रहरी टोलीमाथि रवि समर्थकले ढुंगा प्रहार गरेपछि भरतपुरको चौबिसकोटीमा झडप भएको हो
।प्रहरीले स्थितिलाई नियन्त्रण लिन अश्रुग्यास प्रहार गरेको छ। जिल्ला प्रहरी र अदालत कार्यालयनजिकको क्षेत्रमा भने माहोल शान्त छ
।पछिल्ला केही दिन यता रवि लामिछानेका समर्थकहरुले दिनहुँ सडकमा प्रदर्शन गर्न थालेपछि स्थानीय प्रशासनले आज निषेधाज्ञा जारी गरेको थियो।रवि लामिछाने निर्दोस रहेको दाबीसहित फसाउन खोजिएको भन्दै उनका समर्थकहरुले चितवनमा दिनदिनै प्रदर्शन गरिरहेका थिए।
प्रदर्शन चर्कर्दै गएपछि स्थानीय प्रशासनले अर्को आदेश नभएसम्मका लागि भरतपुरमा निषेधाज्ञा जारी गरेको हो। निषेधाज्ञा जारी गरेको भएपनि आज पुनः रवि लामिछाने समर्थक र प्रहरीबीच झडप भएको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
