नेपाल कम्युनिस्ट पार्टी नेकपा का उपाध्यक्ष बामदेव गौतम सिंगापुर नजाने भएका छन्। प्रधानमन्त्री केपी शर्मा ओलीको स्वास्थ्य अवस्था बुझन उपाध्यक्ष गौतमसँगै महासचिव विष्णुप्रसाद पौडेल आज सिंगापुर जाने कार्यक्रम रहेको बताइएको थियो।
तर उनका स्वकीय सचिव दिपक शर्माले उपाध्यक्ष गौतम सिंगापुर जाने कार्यक्रम नरहेको जानकारी दिए।
नेकपाका महासचिव विष्णुप्रसाद पौडेल भने आज सिंगापुर जाँदै छन्। उनी आज दिउँसो १ बजे सिंगापुर प्रस्थान गर्दै छन्।प्रधानमन्त्रीको स्वास्थ्य अवस्था बुझ्न महासचिव पौडेल त्यसतर्फ जान लागेको उनका स्वकीय सचिव यम पाण्डेले जानकारी दिए।
उनका अनुसार महासचिव पौडेल प्रधानमन्त्रीसँगै स्वदेश फर्कने कार्यक्रम छ।प्रधानमन्त्री ओली भदौ ५ गते उपचारका लागि सिङ्गापुर गएका थिए। उनको उपचार सिङ्गापुरस्थित नेशनल युनिभर्सिटी अस्पतालमा भइरहेको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
