गीतकार तथा संगीतकार जीत लिम्बुको शिरैफुल शिरबन्दी सिरै माथि सिउरेको बोलको पुर्वेली गीतको म्युजिक भिडियो सार्वजनिक भएको छ ।
सफल क्यामेरा म्यान तथा इडिटर समेत रहेका गायक बीबी लिम्बु र चर्चित गायिका सुनिता थेगिम लिम्बुको आवाजमा रहेको गीतको म्युजिक भिडियो रेम्बो रेज म्युजिकको अफिसियल युट्युब च्यानलबाट सार्वजानिक भएको हो ।
गीतको भिडियो सुटिङ पुर्वी पहाडी जिल्लाको विभिन्न रमणीय ठाँउहरुमा भएको थियो । हावा सरर , बज्यो लौ हरन, धानैमा नाच्नु सोल्टिनी , के छ समचार, जस्ता बिभिन्न्न चर्चित पुर्वेली गीतको गीतकार तथा संगीतकार जीत लिम्बुको यो गीत पनि पुर्वेली भाकामा नै रहेको छ ।
यस गीतमा एरेन्ज बरिष्ट गायक तथा संगीतकार कृष्णभक्त राइले गरेका छन् भने शब्द संगीत जीत लिम्बुको रहेको छ ।
लिम्बु जातिको बिशेष पहिचान झल्किने गरी बनाइएको यस म्युजिक भिडियोको निर्देशन प्रकाश लिम्बु “कान्ठाडे” ले गरेका छन् भने छायाङकन बीबी लिम्बु,पर्शु राम लिम्बु र बिजेश महर्जनले गरेका छन् ।
यस गीतको कोरियोग्राफर रमेश सुनुवार हुन् भने ड्रेस डिजाइन द हाइल्यान्ड आर्ट काठमाडौं गरेको छ । म्युजिक भिडियोमा गायक र नायक तथा मोडल कन्चन थलङ लिम्बु र सोनिया लिम्बुको जिबन्त अभिनय रहेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
