नयाँ नेपाली कथानक चलचित्र मन परेसी पर्याे पर्याे बन्ने भएकाे छ । चलचित्र निर्माता तथा सामाजिक अभियन्ता रघु परियारले आफ्नो जन्मदिनको उपलक्ष्यमा पत्रकार भेटघाटको आयाेजना गरी साे कुराकाे जानकारी गराएका हुन् ।चलचित्रकाे नाम फाइनल भइसके पनि कलाकारहरुकाे भने फाइनल भइसकेको छैन ।
रुपेश थिङ तामाङकाे लेखन तथा निर्देशन रहने चलचित्र मन परेसी पर्याे पर्याे मा चक्र तामाङ कार्यकारी निर्माता, कृष्ण परियार र रबिना थापा मगर निर्माता रहने बताइएको छ । फाेर्थ आई मुभिज र जुना फिल्म्सकाे संयुक्त ब्यानरमा बन्ने चलचित्रकाे तिहार लगत्तै छायांकन सुरु हुने छ ।
लबस्टाेरी,कमेडी र एक्शन सहितकाे मसलेदार कथामा चलचित्र मन परेसी पर्याे पर्याे निर्माण हुने साे अबसरमा जानकारी गराइएकाे थियो ।प्रस्तुतकर्ता रघु परियार वीराङ्गनाका निर्माता र रुपेश थिङ जय शम्भुका निर्देशक हुन् ।।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
