बैतडीमा सुत्केरीको मृत्यु

बैतडी । बैतडीमा एक सुत्केरीको मृत्यु भएको छ । जिल्लाको शिवनाथ गाउँपालिका–१ गाउँसल्लाकी २१ वर्षीया गौमती चाँडको मृत्यु भएको हो ।

स्थानीय सामुदायिक स्वास्थ्य इकाई तेर्छाबाटामा सुत्केरी हुनेबित्तिकै गौमतीको आइतबार अपराह्न मृत्यु भएको जिल्ला प्रहरी कार्यालय बैतडीका प्रहरी नायब उपरीक्षक डिल्लीनारायण पाण्डेयले जानकारी दिए ।मृतक महिलाका श्रीमान रोजगारीका लागि भारतमा रहेका छन् ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।