गैर आवासीय नेपाली संघ (एनआरएनए) दक्षिण कोरियाको अध्यक्षमा यज्ञराज सुवेदी निर्वाचित भएका छन्।
कुल २८७९ मतदाता मध्ये १८१२ मत खसेको सातौं अधिवेशनबाट ७ सय ९४ मत ल्याएर सुवेदी विजयी भएका हुन्। उक्त अधिवेशनबाट वरिष्ठ उपाध्यक्षमा दिपक पुन र उपाध्यक्षमा सोम तामाङ, सन्जिब राई, यदु लामिछाने निर्वाचित भएका छन्।
त्यस्तै संघको महासचिवमा बिमल सुवेदी, सचिवमा राजकुमार स्याङ्ताङ र मनोज गौतम विजयी भएका छन्। त्यसैगरी कोषाध्यक्षमा चन्द्र राना सहकोषाध्यक्षमा सन्तोष खड्का, महिला संयोजकमा शुभद्रा पालुङ्गवा निर्वाचित भएको समाचार प्राप्त भएको छ ।
नयाँ कार्यसमितिको सदस्यमा दिनेश चौँलागाई, उमेश पोख्रेल, ओम बहादुर कार्की,सुवास चन्द्र चौधरी, अवधेश कुमार चौरसिया, बिश्वमणी दाहाल विजयी भएको जनाइएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
