सैघाली खबर,
काठमाडौं, १९ असोज । दशैंमा स्थगित भएको डा। गोविन्द केसीको आमरण अनसन आजबाट फेरि सुरु हुने भएको छ ।
अपराह्न ४ बजेबाट अनसन सुरु गर्ने उनले बताएका छन् ।
संसदमा विचाराधीन चिकित्सा शिक्षा विधेयकलाई तोडमोड गरेर पास गर्न खोजिएको भन्दै डा। केसीले असोज ९ गतेदेखि आमरण अनसन थालेका थिए । तर, दुई दिनपछि दशैंभरका लागि भन्दै उनले फूलपातीका दिन अनसन स्थगित गरे ।
त्यसबेला नै उनले स्थगित आमरण अनसन १९ गतेबाट सुरु गर्ने बताएका थिए । त्यस अनुसार उनी अनसन बस्न लागेका हुन् । यो बीचमा सरकारसँग कुनै सम्वाद नभएको भन्दै डा। केसीले भने, ‘आजबाट अनसन सुरु गर्दैछु ।’
चिकित्सा शिक्षा सुधारको माग राख्दै केसी १२ पटकसम्म अनसन बसिसकेका छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
