मुख्य समाचार

संसदिय बोर्ड गठन गरेर उम्मेदवारको टुङ्गो लगाउने कांग्रेसको तयारी

By थाहा अनलाइन

October 07, 2017

सैघाली खबर काठमाडौं,२१ असोज

आउँदो प्रतिनिधि तथा प्रदेश सभामा उम्मेदवार बन्ने आकांक्षीहरुको सुची लामो भएपछि नेपाली कांग्रेसले संसदिय बोर्ड गठन गरेर उम्मेदवारको छिनोफानो गर्ने तयारी गरेको छ । हिजो बसेको केन्द्रीय समिति बैठकले आउदो चुनावको लागि उम्मेदवार छनोटको मापदण्ड बनाएपछि उम्मेदवारको अन्तिम टुङ्गो लगाउने जिम्मा भने संसदिय बोर्डलाई दिने निर्णय भएको थियो । संसदिय बोर्डमा बर्तमान पदाधिकारी, स्वतः पदेन सदस्य हुनेछन् । अरु केही नेता थप गरेर साँझसम्ममा १४ सदस्यिय बोर्ड बनाउने र भोलीसम्ममा उम्मेदवारहरुको अन्तिम टुङ्गो लगाईसक्ने काग्रेस नेताहरुले जनाएका छन् । हिजो सकिएको काग्रेस बैठकले समानुपातिक तर्फबाट सांसद् बनेकालाई फेरी समानुपातिक सांसद नबनाउने गरि उम्मेदवार छनोटको मापदण्ड तय गरेको थियो । यस्तै, स्थानीय तहको चुनावमा प्रमुख, उपप्रमुखबाट पराजित उम्मेदवारले पनि प्रतिनिधिसभा र प्रदेशसभामा उम्मेदवार बन्न नपाउने मापदण्ड पनि बनाएको छ ।