सैघाली खबर
काठमाडौं,२२ असोज
सरकारले कामदारका लागि प्रतिवन्ध लगाएको मुलुक साइप्रसमा श्रम स्वीकृती लिएर नै कामदार पठाएको खुलासा भएको छ । सरकारले खाडी मलुकुसँगै साइप्रसमा केही समयअगाडी घरेलु कामदार पठाउन प्रतिबन्द लगाएको थियो । तर, वैदेशीक रोजगार विभागबाट नै श्रम स्वीकृती लिएर कामदार गइरहेको खुलासा भएको छ ।
दशै अगाडी एक दर्जनभन्दा बढी युवायुवती श्रम स्वीकती लिएर साइप्रस गएको एक अधिकारीले जानकारी दिए । श्रम तथा रोजगार मन्त्री फरमुल्लाह मन्सुरले प्रतिवन्धीत देशमा श्रम स्वीकृती दिएको भए कारवाही हुने बताउनुभयो ।
उहाँले साइप्रसमा श्रम स्वीकती दिएको विषयमा आफु अचम्ममा परेको र त्यसको छानविन हुने सीआइएनसँग बताउनुभयो । साईप्रसमा नेपाली महिलाहरुले दुःख पाएका भन्दै खाडी मुलुकसँगै सरकारले प्रतिवन्ध लगाएको थियो । साइप्रसमा झन्डै ४ हजार नेपाली हाउसमेड (घरेलु कामदार)का रुपमा कार्यरत छन् । कामदारसँग गरेको करारपत्र मालिकले उल्लंघन गरे पनि सुनुवाइ गर्ने निकाय छैन ।
साइप्रसमा नेपालबाट हाउसमेडलगायत कामदार पठाउन ५७ वटा म्यानपावर कम्पनीले केही समय अगाडी मात्रै स्वीकृति लिएका छन् । युरोपिएन देशमा आकर्षक तलब भन्दै म्यानपावर कम्पनीले साइप्रसमा साढे ४ लाख रुपियाँसम्म असुलेर कामदार पठाइरहेका छन् । पछिल्लो समय साइप्रस जाने मध्येमा ९० प्रतिशतको हाराहरीमा महिला कामदार रहेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
