दिपक बोहरा
दाङ, २३ असोज
टाढा टाढा रहेका आफन्ती संग भेटघाट तथा सम्बन्ध सुधार गर्ने अबशरका रुपमा पनि चाडबाड तथा मेला पर्बलाई लिने गरिन्छ । त्यसमा पनि नेपालीहरुको महान पर्ब बडादशै तथा तिहारमा घर भन्दा टाढा रहेकाहरु पनि घर फर्कने गर्छन् । नेपालीहरुले बिशेष पर्बका रुपमा मनाउने यी दुई महत्वपुर्ण चाडपर्ब मनाउनका लागि बिदेशमा रहेकाहरु पनि बिदा मिलाएर घर फर्कने गर्छन् । चाडपर्ब मनाउनुका साथै गाउ घर आफन्ती संग भेटघाटका लागि पनि एउटा अबशरका रुपमा दशै तिहार जस्ता पर्बहरुमा घर फर्कने गरिन्छ । तर यी चाडहरु अभिभाबक बिहिन बालबालिकाहरुलाई पनि अभिसाप जस्तै बन्ने गर्छन् । उनीहरुका कोही आफन्ती हुँदैनन् अनी दशै तिहारकालगायत नेपालीहरुले बिशेष महत्वका साथ मनाउदै आएका दशै तिहार जस्ता चाडबाडहरुमा पनि ति बालबालिकाहरु मागेर दिन बिताउने गरेको छन् ।
चाडपर्बमा सबै बालबालिका रमाईलो गरिरहेका हुन्छन चाडपर्ब मनाईरहेका हुन्छन् । तर असहाय तथा अभिभाबक बिहिन बालबालिकाहरुलाई सडकमा कारुनीक अबस्थामा देख्दा सबैको मन भक्कानिएर आउँछ । गत बर्षको दशैमा यस्तै अबस्थामा थिईन रुकुम आठबिस कोटकी सीता नेपाली । अरुलाई दशै, तिहार आएको थियो तर उनलाई भने न दशै , न तिहार । साँझ बिहानको छाक टार्न समेत धौ धौ थियो । तर यस बर्षको दशै भने उनलाई आफ्नै घरमा मनाएको जस्तो आभास भयो । दाङको बिजौरीमा रहेको असाहय बाल बिकास केन्द्रले घरकै जस्तो वातावरणमा पालन पोषण , शिक्षा दिक्षा दिन थाले देखी उनले आफ्ना पीडाका दिन अन्त्य भएको आभास गरेकी छिन् । उनले यस बर्षको दशैमा पनि घरको आमा, बुवाको हातबाट टिका ग्रहण गरेको आभास भएको बताईन् ।
‘ बिगतका बर्षहरुमा दशै, तिहार, मेलापर्ब भन्ने केही थाहा हुँदैनथ्यो’ उनले भनिन्‘ तर यस बर्ष असाहय बाल बिकास केन्द्रले पालन पोषण गर्नुका साथै दशै तिहारमा पनि निकै रमाईलो गर्न पाईएको छ ।’ बिगतका बर्षहरुमा सडकमा बस्दै आएका तथा अभिभाबक बिहिन भएर कसैको साहारा नपाएका १४ जना बालबालिकालाई असाहय बाल बिकास नेपाल बिजौरीले पालन पोषण गर्दै आएको छ । ती बालबालिकाहरुका अभिभाबक सम्पर्कमा छैनन् । तर उनीहरुले यस बर्षको दशैमा अभिभाबक बिहिन भएको महसुस गरेनन् ।
असाहय बाल बिकास नेपालका अध्यक्ष बिष्णु चौधरी सहित पदाधिकारी तथा ती बालबालिकाहरुले यस बर्षको दशै सामुहिक रुपमा मनाएका छन् । जसले गर्दा अभिभाबक बिहिन रहेको ती बालबालिकाको यस बर्षको दशै खुसीयाली बन्यो । ‘ बिगतमा दशैमा आँशु झार्न बाध्य भएका ती बालिबालिकाहरुसंग दशै मनाउन पाउँदा मलाई पनि निकै खुसी लाग्यो’ अध्यक्ष चौधरीले भने । त्यहाँ बस्दै आएका १४ जना बालबालिका मध्य ७ जना आफ्नो आफन्तीको घरमा गएपनि ७ जनाले संस्थामै दशै मनाएका थिए । धेरै बर्ष पछि दशै मनाउँन पाउँदा उनीहरुको मुहारमा खुसीका दियोहरु बलिरहेको थिए ।
जसले गर्दा आफु पनि निकै हर्षित भएको अध्यक्ष चौधरीले बताए । असहाय बाल बिकास नेपाल जस्तै अन्य संस्थाहरुले पनि अभिभाबक बिहिन, असहाय, सडक बालबालिकालाई खुसी दिन सक्नु पर्ने चौतर्फी आवाज पनि उठ्ने गरेका छन् । असहाय, अभिभाबक बिहिन, सडक बालबालिकालाई पालन पोषण, शिक्षा दिक्षा दिने हो भने भोली त्यही बालबालिका पनि देशको कर्णधार बन्न सक्ने बताईएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
