सैघाली खबर, काठमाण्डौ २३ असोज।
नगराइन नगरपालिकाको नगर कार्यसमिति निर्वाचन पश्च्यात जारी मतगणनाको क्रममा आइतवार अपरान्ह काँग्रेसका एक उम्मेदवारले मतपत्र चपाएका छन् ।
प्रहरी उपरीक्षक चक्रबहादुर सिंहका अनुसार–निर्वाचन परिणाम घोषणा गर्न मुचुल्का समेत तयार भई सकेको अवस्थामा साहले बदर मध्येका एक मतपत्र च्यातच्युत पारी चपाएका थिए ।
स्थानीय संजीत मण्डलका अनुसार मतदान अधिकृतले बदर घोषणा गरेका चार मतपत्रमध्ये एक मतपत्र एमाले उम्मेदवार अरुणकुमार लालकर्णको हकमा सदर रहेको चाल पाएपछि, काँग्रेस उम्मेदवार सूर्यनारायण साहले मतपत्र चपाएका थिए ।
उम्मेदवार अरुण कुमार लाल कर्णसहितका एमाले नेता कार्यकर्ताहरुले बदर घोषणा गरिएका मतपत्रहरु पुनस् हेर्न माग गरे पछि होहल्ला भएको थियो । होहल्लाकै क्रममा साहले मतपत्र चपाएका थिए ।
यसबीच एमालेका उम्मेदवार अरुणलाल कर्ण तथा कंचन राउतले निर्वाचन प्रक्रृयामाथि प्रश्न तेर्साउदै पुनस् मतदान गराउनु पर्ने लिखित उजुरी दिएका छन् ।