टेकबहादुर पुन, देउखुरी, २७ असोज । दाङ्गमा रुखबाट खसेर एक जनाको मृत्यु भएको छ । दाङको लमही नगरपालिका वडा नम्बर ७ वनघुस्री खुटी निवासी ५२ बर्षिय भिम बहादुर थापा बाबुरामको रुखबाट खसेर मृत्यु भएको हो ।
डाले घाँस काट्न रुखमा चढेका थापा रुखबाट खसेर सक्त घाईँते भएका थिए । उनको लमही अस्पतालमा उपचारको क्रममा मृत्यु भएको इलाका प्रहरी कार्यालय अमिलियाका प्रहरी निरिक्षक खिमबहादुर घर्ती मगरले जानकारी दिए ।
उनी नेपाल कम्युनिस्ट पार्टी नेकपाका सक्रिय सदश्य हुन् । उनको देहान्तले सिँगो पार्टीलाई नै असर पुगेको महसुस गर्दै नेपाल कम्युनिस्ट पार्टी नेकपा लमही ७ नम्बर वडा कमिटीले दुख ब्यक्त गरेको छ ।
नेपाल कम्युनिस्ट पार्टी नेकपा लमही ७ नम्बर वडा कमिटीका अध्यक्ष ओमराज गिरी सँगै सम्पुर्ण पदाधिकारीले हार्दिक श्रद्धाञ्जली ब्यक्त गरेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
