गैर आवासीय नेपाली संघ एनआरएनए को मध्य पूर्व संयोजकमा प्रविन गुरुङ निर्विरोध निर्वाचित भएका छन् ।
त्यस्तै उपसंयोजकमा मनोज गोर्खाली र जोन अर्याल निर्विरोध निर्वाचित भएका छन् । यी पदमा अन्यको उम्मेद्वारी नपरेपछि उनीहरू निर्विरोध निर्वाचित भएका हुन् । एनआरएनएको नवौं अन्तर्राष्ट्रिय महाधिवेशन काठमाडौंको हायात होटलमा सञ्चालन भइरहेको छ । राष्ट्रपति विद्या भण्डारीले मंगलबार उद्घाटन गरेको सम्मेलन बुधबार नयाँ नेतृत्व चयन गर्दै समापन हुनेछ ।
यतिबेला काठमाडौंमा विश्वभरका नेपालीहरुको जमघट छ । गैरआवासीय नेपाली संघको नवौं विश्व सम्मेलनमा सहभागी हुन उनीहरु काठमाडौं ओर्लिएका हुन् । आगामी नेतृत्व चयन गर्ने सम्मेलन भएकाले एनआरएनए गठन भएका सबै देशका प्रतिनिधि र वैकल्पिक प्रतिनिधि सहभागी भएका छन् ।
एनआरएनए सचिवालयका अनुसार ८१ देशमा गैरआवासीय नेपालीहरुको उपस्थिति छ । तर, आज हुने चुनावका लागि मतदाता भने एनआरएनएका प्रतितिनिधिहरु ४५ राष्ट्रमा सीमित छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
