टेकबहादुर पुन,
देउखुरी, ३० असोज । अति बिपन्न तथा गरिब परिवारको अावास निर्माणमा अार्थिक सहयोग गरेको भन्दै देउखुरीका एक वडाअध्यक्ष सम्मानित हुनुभएको छ । अाफ्नो मासिक तलब कटौती गरि अार्थिक सहयोग गर्ने गढवा गाउँपालिका वडा नम्बर ५ का वडा अध्यक्ष प्रकाश भण्डारी सम्मानित हुनुभएको हो ।
उनको बचत तथा ऋण सहकारी सँस्था गढवाले वडा अध्यक्ष भण्डारीलाई सम्मान गरेको छ ।
सँस्थाको दोस्रो अधिबेसन तथा छैँठौ बार्षिक साधारण सभाको अबसरमा भण्डारीलाई सम्मान गरिएको हो ।
भण्डारीले क्रियटिङ्ग पोसीब्लिटिज नेपालको कार्यक्रम अन्तर्गत गढवा गाँउपालिका वडा नम्बर ५ लोखरपुर निवासी नौनि चौधरीको अावास निर्माणमा अार्थिक सहयोग गर्नुभएको थियो । भण्डारीलाई प्रदेश साँसद ईन्द्रजित थारुले कदर पत्र र दोसल्ला अोढाई सम्मान गर्नुभएको हो । त्यसो त वडाअध्यक्ष भण्डारीले अाफ्नो सबै मासिक तलब भत्ता बिकाश निर्माण र गरिब परिवारको लागि खर्च गर्दै अाईरहेको दाबी गर्नु भएको छ । वडा अध्यक्षको मासिक २५ हजार तलब सबै स्थानियकै भलाईका लागि खर्च गर्दै अाईरहेको र अागामी दिनमा पनि खर्च गरिने वडाअध्यक्ष भण्डारीले जानकारी दिनुभयो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
