एक ट्रक भित्र ३९ जनाको शव भेटिएको छ । बेलायतको राजधानी लन्डनमा ट्रक भित्र शव भेटएपछि ट्रक चालक २५ वर्षिय एक यूवक पक्राउ परेका छन् । यस घटनाले विश्वलाई भयभित मात्र पारेको छैन, आखिर अति विकसित मुलुक बेलायतमै यो अमानवीय घटना कसरी भयो भने जिज्ञासा समेत उत्पन्न गराएको छ ।
ट्रक बेल्जियमबाट जहाजमा चढाएर वेलायत पुगेको प्रहरीले उल्लेख गरेको छ । तर, बेल्जियमा चाँही कसरी आयो, त्यसको बेल्जियममा किन चेकजाँच भएन र शवहरु लण्डन पुगे भन्ने प्रश्नले धेरैलाई अचम्मित समेत बनाइरहेको छ ।
बेलायती संचारमाध्यममा ट्रक पुर्वी युरोपियन मुलुक बुल्गेरियाबाट आएको उल्लेख छ । यद्दपी यसको पुष्टी हुन बाँकि छ । प्रहरीले ट्रक चालक २५ वर्षिय आइरिस नागरिक मो रबिन्सनलाई पक्राउ गरी अनुसन्धान थालेको बताएको छ ।
यूरोपमा मानव तस्करहरुले गरिब मुलुककाा प्रवासीलाई लैजाने क्रममा यस्ता घटना बारम्वार हुने गरेका छन् । खासगरी द्धन्द्धग्रस्त मुलुकबाट धेरै नागरिक शान्तीको खोजीमा यूरोप छिर्न खोज्छन् । तर, उनीहरुको अमानवीय तरिकाले हत्या हुने गरेको छ । सन् २००० मा पनि बेलायत मै एक ट्रक भित्र ५८ चिनियाँ नागरिकको शव फेला परेको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
