सैघाली खबर
काठमाडौं,२७ असोज
राष्ट्रिय सभा निर्वाचनसम्बन्धी विधेयकमा भने राजनीतिक सहमति जुटाउन प्रमुख दलहरुको बैठक बस्दैछ । आज बिहान संसदको बैठक अगाडी सहमति खोज्न नेपाली कांग्रेस, नेकपा एमाले र माओवादी केन्द्रका शीर्ष नेताहरुको बैठक बसेर सहमति खोज्ने प्रयास हुनेछ ।
हिजो अबेरसम्म गरिएको प्रयास पनि निरर्थक बनेपछि आज बिहान फेरि बैठक बसी विधेयक पारित गराउने विषयमा सहमति खोजिने भएको छ ।व्यवस्थापिका–संसदमा विचाराधीन राष्ट्रिय सभा सदस्यको निर्वाचन सम्बन्धमा व्यवस्था गर्न बनेको विधेयकका विषयमा सरकारको नेतृत्व गरिरहेको नेपाली कांग्रेस र वाम गठबन्धनबीच दूरी बढेको छ ।
राष्ट्रिय सभा गठनसम्बन्धी सहमति नजुटेपछि अब अध्यादेश मार्फत अगाडी बढ्ने तयारी छ । सरकारले एकल संक्रमणका आधारमा हुने प्रावधान राख्न खोजेको भन्दै एमाले र माओवादीले विरोध गरेका छन् । एमालेले बहुमतीय आधारमा गर्नुर्ने अडान राखेका छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
