सुस्ताउँदो मौसमी अनुगमन

गिरिराज नेपाली

दाङ ,१ कार्तिक । वर्षमा १÷२ मात्रै बजारमा अनुगमनको हल्ला चल्छ । वाँकी ३ सय ६४ विना अनुगमन नै बजार चल्छ । मौसमी अनुगमनले न उपभोक्ताले राहात पाउछौ । न ठग्ने व्यापारी लाई कानुन छ । ‘ठगिने ठगी रहेका छौ । ठग्ने ठगेकै छन । ’ बजार अनियमिता रोकिएकै छैन ।

बेला–बेलामा हुने मौसमी अनुगमन पनि खै ! कता हुन्छ । विहान वेलुका किनेखाने उपभोक्ता सम्म कहिले आउदैन भन्दै घोराही उप–महानगपाकिला वडा नम्वर १० की रुपा वस्नेतले गुनासो गर्नुभयो । उहाँले भन्नुभयो– ‘ बजार अनुगमन नियमित छैन । ’ मुल्य अनियमितताको मारमा परेका छौ । पसलैपिच्छे फरक–फरक मुल्य छन । त्यही मुल्यमा तिररे भए पनि सामान किन्नुपर्ने वाध्यता छ । त्यो कस्ले देख्ने र सुन्ने हो । स्थानिय प्रशासन , जनप्रतिनिधि र उपभोक्तावादीहरु बेला–बेलामा मौसमी अनुगमन गरे पनि त्यो अनुगमनले कुनै राहात नदिएको वस्नेतले बताउनुभयो । ‘पोहोर–परार केही बजार अनुगमन केही भएको जस्तो लाग्थ्यो । तर यो सालको दशै पनि सिधिसक्यो तिहार भित्रिदै छ । बजार अनुगमन खासै सुनिएको छैन । तिहारको किनमेलले बजार ताँतिदै गईरहेको छ । तर बजार अनुगमन हुन नसक्दा उपभोक्ताहरु महगीमा परेको उहाँले बताउनुभयो ।

स्थानिय प्रशासनले चार्डपर्व लाई लक्षित गर्दै बजार अनुगमन गरे पनि अनुगमन लाई खासै तिव्रता दिन सकेको छैन । जिल्ला प्रशासन कार्यालय दाङका सहायक प्रमुख जिल्ला अधिकारी एंव बजार अनुगमन समितिका संयोजक गणेश प्रसाद आचार्यले जनशक्ति अभावका कारण बजार अनुगमन लाई तिव्रता दिन नसककेको बताउनुभयो । चार्डपर्वका नाममा हुने अनियमितता लाई स्थानिय प्रशासनले रोक्ने प्रयास गरे पनि त्यो व्यापारीहरुको लापरवाहीका कारण रोक्न नसकेको आचार्यको भनाई छ । विशेष गरी दशै र तिहारमा उपभोग्य वस्तुको कालो बजारी र अनियमितता जस्ता समस्या देखिन सक्ने भन्दै त्यस तर्फ उपभोक्ता आफै सचेत बन्नु पर्ने उहाँले आग्रह गर्नुभयो ।

चार्डपर्वका नाममा व्यापारीहरुले म्याद गुज्रेका सामानहरु विक्रि गर्ने , अण्डर विलिङ , भन्सार छलिका सामानहरु भित्रने , मुल्य अनयिमितता हुने गरेकाले स्थानिय प्रशासन त्यस तर्फ पनि सजक रहेको बताउनुभयो । दशैको विचमा स्थानिय प्रशासनले बजार अनुगमन लाई केही तिव्रताका साथ सञ्चालन गरे पनि तिहारमा अनुगमन लाई खासै गर्न नसकेको उहाँले बताउनुभयो । उहाँले भन्नुभयो – ‘बजार अनुगमन बाह्रै महिना आवश्यक छ । ’ तर साधन–स्रोत अभावले त्यो पुरा हुन सकेको छैन । भने चार्डपर्वमा पनि नियमित गर्न सकिएको छैन । जसका कारण उपभोक्ताको उपभोग्य अधिकार हननमा परेको उहाँको भनाई छ । व्यापारीहरुले चार्डपर्वका नाममा उपभोक्ताहरुको स्वास्थ्यमा भन्दा पनि आर्थिक मोहोमा पनि ध्यान दिदा म्याद गुज्रिएका सामान देखी वढि मुल्यामा सामान विक्रि वितरण गर्ने गरेको उहाँले वताउनुभयो । उहाँले स्थानिय प्रशासनको एकल प्रयासले मात्रै बजार अनियमितता न्युनिकरण गर्न नसकिने भन्दै बजार सुव्यवस्था , उपभोक्तामुखी व्यापार निर्माणका लागि सवैको हातेमालो आवश्यक रहेको उहाँले वताउनुभयो ।

त्यस्तै घोराही उप–महानगरपालिकाले चार्डपर्व संगै बजार अनुगमन गरिरहेको जनाएको छ । नगर प्रमुख नरुलाल चौधरीले मासु पसल ,खाद्यान्न र किराना पसलहरुको अनुगमन गरिएको जानकारी दिनुभयो । उहाँले भन्नुभयो – चार्डपर्वमा यस्ता पसलहरुमा भिड्भाड र केही अनियमितता हुने भएकाले घोराही क्षेत्रका पसलहरुमा १÷१ पटक अनुगमन गरिएको जानकारी दिनुभयो । बजार अनुगमन र व्यावस्थापनका लागि घोराही नगरपालिकाले केही नितिगत योजना निर्माण गरे पनि स्थानिय तहको निति निर्माण हुन नसक्दा ति योजनाहरु कार्यन्वयन गर्न नसकेको उहाँले वताउनुभयो ।

नगर प्रमुख चौधरीले मौसमी रुपमा चार्डपर्वमा मात्रै हुने बजार अनुगमनको प्रचलन लाई अन्त्य गरी बजार अनुगमन लाई नियमित गराउनु पर्ने बताउनु भयो । मौसमी अनुगमनले बजार अनिमितता र मुल्यवृद्धि लाई रोक्न नसकेकाले निश्चित मापदण्ड निर्माण गरी बजार अनुगमन लाई नियमित बनाउने बताउनुभयो ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।