दाङ / दाङमा रोकिराखेको ट्रालिमा मोटरसाईकल ठोक्किदा एक ब्यक्तिको मृत्यु भएको छ ।
जिल्ला प्रहरी कार्यालय दाङका अनुसार शुक्रबार राति साढे सातबजेतिर घोराही उपमहानगरपालिका वडा नं. ११ खैराचोक स्थित रोकिराखेको रा १ त १९३८ नम्बरको ट्याक्टरको ट्रालीमा तुलसीपुरबाट नारायणपुर तर्फ जाँदै गरेको रा २ प ९३५० नंम्बरको मोटरसाईकल ठोक्किदा मोटरसाईकल चालक घोराही ८ निवासी १९ बषीय रेशम ओलीको मृत्यु भएको हो ।
उक्त दुर्घटनामा परि गम्भीर घाईते भएका ओलीको उपचारको क्रममा राप्ती स्वास्थ्य बिज्ञान प्रतिष्ठानमा मृत्यु भएको हो । मोटरसाईकलमा सवार घोराही १० निवासी १८ बर्षीय अमृत चौधरी गम्भीर घाईते भएको जिल्ला प्रहरी कार्यालय दाङका प्रहरी नायब उपरीक्षक बिनोदबिक्रम शाहले बताए ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
