दाङ । महेन्द्र बहुमुखी क्याम्पसमा अध्ययन गर्ने बिद्यार्थीका लागि निःशुल्क फोर जी सिम बितरण गर्ने भएको छ । नेपाल टेलिकम घोराही शाखाले बिद्यार्थीका लागि निःशुल्क फोर जी सिम बितरण गर्न लागेको हो । नेपाल टेलिकमले ४० मिनेट फोन सेवा, ६ जीबी डाटा, १० रुपैया ब्यालेन्स र २० वटा म्यासेज सेवा रहेका सिम बितरण गर्ने जनाएको छ । नेपाल टेलिकमले एक हजार सिम बितरण गर्ने लक्ष्य राखेको छ ।
सिम प्राप्त गर्नका लागि नागरिकताको प्रतिलिपी र पासपोर्ट साइजको फोटो आबश्यक पर्ने नेपाल टेलिकम घोराही शाखाले जनाएको छ । टेलिकमले मंसिर २७ गतेसम्म सिम बितरण गर्ने नेपाल टेलिकम घोराहीका अपरेटर बिपिनमणी आचार्यले जानकारी दिनुभएको छ ।।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
