काठमाडौं, मंसिर २६ । नेपाली कांग्रेस केन्द्रीय समिति बैठक आजदेखि बस्ने भएको छ। आजको बैठकमा प्रस्तुत हुने विषयमा छलफल गर्न हिजो देउवा निवास बुढानिलकण्ठमा पदाधिकारी बैठक बसेको थियो।
सभापति देउवाले विभाग गठनको प्रस्ताव पनि केन्द्रीय समिति बैठकमा गर्नेछन्। केन्द्रीय समितिको बैठक कम्तीमा ५ दिन बस्ने प्रवक्ता विश्वप्रकाश शर्माले जानकारी दिए।शर्माका अनुसार पार्टी सभापतिले बिहीबारबाट सुरु हुने बैठकमा कार्यसम्पादन समितिको प्रस्ताव पनि पेश गर्नेछन्।
भंग भएको नेविसंघमा तदर्थ समिति र कार्यावधि सकिएको तरुण दलको गठनका विषयमा पनि छलफल हुनेछ। निर्वाचन समितिले तल्लो तहको कार्यसमिति गठनमा गरेको प्रगति पनि केन्द्रीय समितिमा पेश हुनेछ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
