काठमाडौं,
नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ को आज जन्मदिन।प्रचण्ड आजबाट ६६ वर्षमा प्रवेश गरेका छन्।
जन्मदिनको अवसरमा नेकपाका नेता कार्यकर्ता र अन्य दलका नेताले प्रचण्डलाई बधाई तथा शुभकामना दिएका छन्। अध्यक्ष प्रचण्डलाई सामाजिक सञ्जालमार्फत नेकपाका नेता एवं युद्धकालीन सहकर्मीहरु, परिवारजन, आफन्तजनले शुभकामना दिएका छन्।त्यस्तै समाजवादी पार्टी नेपालका अध्यक्षसमेत रहेका र प्रचण्डसँग लामो सहकार्य गरेका डा. बाबुराम भट्टराइले ‘प्रचण्ड’को तस्वीर बुधबार साँझ राख्दै सांकेतिक रूपमा जन्मदिनको शुभकामना दिएका छन्।
भट्टराईले जनयुद्धकालमा गरीब जनतासँग आफू र प्रचण्ड उपस्थित तस्बिर आफ्नो फेसबुकमा राखेका छन्। ‘जनयुद्धकालमा गाउँले जनतासँग प्रचण्ड र म’ स्टाटस लेख्दै उनले फेसबुकमा जनयुद्धकालीन तस्बिर सेयर गरेका हुन्। प्रचण्डको नेतृत्वमा १० वर्ष चलेको सशस्त्र संघर्षको बेला डा. भट्टराई उनका मूख्य सहयोगी र तत्कालिन नेकपा माओवादीका मुख्य नेता थिए ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
