धादिङमा जिप दुर्घटना १२ जना घाईते, ३ गम्भीर

धादिङको ज्वालामुखी गाउँपालिका वडा नं ४ सुनखानीमा बिहिबार बोलेरो जिप दुर्घटना हुँदा १२ जना घाईते भएका छन् ।
घाईत १२ जना मध्ये ३ जनाको अबस्था गम्भीर रहेको छ ।

घाईते हुनेहरुमा योगेश अर्याल, राधिका अर्याल, भारत घर भएका नहिन, सुमन श्रेष्ठ, निक बहादुर बस्नेत, अम्दिन अन्सारी, भोज बहादुर अर्याल, कृष्ण माया अर्याल, राम बहादुर अर्याल, दिपक श्रेष्ठ, मेथुन रम्तेल र सरोज अर्याल रहेका छन् । धादिङबेसीबाट ढोलातर्फ जाँदै गरेको बा २० च ७२५६ नम्बरको बोलेरो जिप ब्रेक फेल भई दुर्घटना भएको प्रहरीले जनाएको छ । घाईतेहरुको जिल्ला अस्पताल धादिङबेसीमा उपचार भैरहेकको छ । स्थानीय नागरिकहरु र प्रहरीले घाइतेहरुको उद्धार गरेको थियो ।

गम्भीर घाइते भएका ३ जनालाई थप उपचारको लागि काठमाडौँ लागिएको जिल्ला अस्पताल धादिङले जनाएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।