सिसहनियाँ । उब्जाउ महिला कृषि सहकारी संस्था लि. राप्ती गाउँपालिका ४ मौरीघाटको छैठौँ वार्षिक साधारणसभा तथा दोस्रो अधिवेशनको उद्घाटन कार्यक्रम राप्ती गाउँपालिका ३ मसुरीया सम्पन्न भएको छ । संस्थाकी अध्यक्ष खगिसरा चौधरीको अध्यक्षता एवम् जिल्ला सहकारी संघ दाङका कोषाध्यक्ष हरिप्रसाद भुसालको प्रमुख आतिथ्यतामा भएको सभामा बोल्दै प्रमुख अतिथि भुसालले संस्थालाई नमुना बनाउन आर्थिक पाटोमा पारदर्शी हुनुपर्ने र संस्थाले संघर्ष गर्नु पर्ने बताएका थिए । सभामा वार्षिक लेखा परिक्षण प्रतिवेदन संस्थाकी सह व्यवस्थापक गरिमा चौधरीले प्रस्तुत गरेकी थिइन् ।
संस्थाकी सचिव सावित्रा रावतको स्वागत मन्तव्यबाट सुरु भएको कार्यक्रममा जिल्ला कृषि सहकारी संघका जिल्ला सदस्य दलबहादुर घर्ती, राप्ती दर्पण टेलिभिजनका समाचार प्रमुख ओमप्रकाश गुप्ता लगायतका वक्ताहरुले शुभकामना मन्तव्य व्यक्त गरेका थिए । कार्यक्रममा संस्थाद्धारा गठित उत्कृष्ट समुह प्रगतीशिल महिला कृषि स्वाबलम्बी समुह,करम्दी महिला कृषि स्वाबलम्बी समुह र उत्कृष्ट व्यवसायकर्ता गितादेवी चौधरीलाई सम्मान गरिएको थियो । भने कार्यक्रमको सञ्चालन सुशिला चौधरीले गरेकी थिइन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
