पिकनिक जादैँ गर्दा बस दुर्घटना, २२ घाइते

काठमाडौँ — मदन भण्डारी मेमोरियल कलेजका विद्यार्थी बोकेर पिकनिक जाँदै गरेको बस दुर्घटना भएको छ । शुक्रबार कलेजबाट भक्तपुरको घ्याम्पेडाँडा पिकनिकको लागि जाँदै गरेको बा ५ ख ४२८६ नम्बरको बस सडकमै पल्टेको हो । दुर्घटनामा २२ जना घाइते भएका छन् । घाइतेमध्ये २ जना सख्त छन् भने २० जनाको अवस्था सामान्य छ।
महानगरीय प्रहरी परिसर भक्तपुरले दिएको जानकारी अनुसार ११ वटा गाडीमा कलेजले विद्यार्थीसहित शिक्षकहरु पिकनिकका लागि लगेको थियो । घाइतेहरूको भक्तपुरको बिभिन्न अस्पतालमा उपचार भइरहेको छ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।