१३औ दक्षिण एसियाली खेलकुद सागमा स्वर्ण, रजत र काँस्य पदक जित्ने खेलाडीलाई नगर परिक्रमा गराइएको छ।
उनीहरुलाई राष्ट्रिय खेलकुद परिषद्को अगुवाइमा काठमाडौंको दशरथ रंगशालाबाट भक्तपुरसम्म नगर परिक्रमा गराएको हो। नगर परिक्रमाका क्रममा नेपाली सेना, नेपाल प्रहरी र सशस्त्र प्रहरीको नाँचगान टोलीले झाँकी र्यालीसहित सहभागी भएका थिए ।
र्याली न्यूरोड, इन्द्र चोक, रत्नपार्क, सिंहदरबार पुल्चोक, लगनखेल, सातदोबाटो, कोटेश्वर हुँदै सल्लाघारीसम्म पुगेर फेरि सल्लाघारी, कोटेश्वर, बानेश्वर हुँदै राखेपमा प्राङ्गणमा आएर समापन गरिएको थियो।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
