महिला फुटबलको फिफा वरियतामा नेपालले तीन स्थान सुधार गरेको छ । फिफाले सार्वजनिक गरेको नयाँ वरियतामा नेपालले तीन स्थान सुधार गरेको हो ।
नयाँ वरियतामा नेपाल ९७ औं स्थानमा रहेको छ । अघिल्लो महिना नेपाल १०० औं स्थानमा रहेको थियो । दक्षिण एसियाको वरियतामा नेपाल दोस्रो स्थानमा रहेको छ । नेपाल अघि भारत ५७ औं स्थानमा रहेको छ ।
दक्षिण एसियामा बंगलादेश १३० औं, श्रीलंका १३६ औं, माल्दिभ्स १३८ औं र भुटान १५० औं स्थानमा रहेको छ । नयाँ वरियतामा अमेरिका शीर्ष स्थानमा रहेको छ । यस्तै जर्मनी दोस्रो, नेदरल्याण्ड तेस्रो, फ्रान्स चौथो र स्विडेन पाँचौ स्थानमा रहेका छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
