काठमाडौं, मंसिर २९ । कृषि उत्पादन बढाउन राजयले दिएको अनुदानमा उदेकलाग्दो बेथिति मौलाएको छ ।पौरखी किसानले अनुदानको भेउसमेत पाउँदैनन् भने छदम किसानले सरकारी कार्यालय धाउँदैं बजेट हात पारेका छन् ।
कर्मचारी र जनप्रतिनिधिलाई भाग छुट्याएर ल्याएको रकम खेतबारीमा होइन् खल्तीमा जम्मा हुन्छ ।प्रदेश ५ सरकारले विभिन्न शिर्षकमा दिएको अनुदान दुरुपयोग भएको गुनासो आएपछि प्रदेश सभाको कृषि, वन तथा वातावरण समितिले चार टोली बनाएर स्थलगत अध्ययन गर्दा अनियमितता उदांगो भएको हो ।
समितिका सभापति विजयबहादुर यादव, सदस्यहरु चेतनारायण आचार्य, कमलराज श्रेष्ठ, कृष्णध्यज खड्काले स्थलगत अध्ययनमा व्यापक अनियमितता भेटिएको भन्दै दोषी कर्मचारीलाई समेत कारवाही गर्न सिफारिस गरेका छन् ।
प्रदेश ५ को संसदीय समितिको अध्ययनलगतै नयाँ पत्रिका संवाददाताहरुले पनि स्थलगत अध्ययन गरेका छन् । अध्ययनमा अनुदान दुरुपयोगका अनौठा अनौठा नमुना भेटिएका खबर आजको नयाँपत्रिका दैनिकमा समाचार छ ।
कपिलवस्तु नगरपालिका २ मा सञ्चालित हृदय कृषक समूहका सदस्य मनबहाल बरैले ६ लाख अनुदान लिएका थिए । यो अनुदानबाट उनले करेसाबाीमा ६६ वटा काउलीको बेर्ना रोपेका छन् ।
रोपेका काउलीपनि स्याहार नपाएर माटोमै हराएका छन् । यसरी सरकारले दिएको अनुदानबाट एउटा काउलीको बिरुवाको नौ हजार ९० परेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
