काठमाडौं । सिभिल बैंकको ९ औँ वार्षिकउत्सवका अवसरमा शाखा कार्यालय लालमटियाले शनिवार आफ्नै कार्यालय परिसरमा रक्तदान कार्यक्रम गरेको छ । नेपाल रेडक्रस सोसाइटी दाङ अन्र्तगत रक्त सञ्चार केन्द्र घोराहीको सहयोगमा रक्तदान कार्यक्रम भएको हो ।
रक्त दान जिवन दान भन्ने मुल नाराका साथ आयोजित रक्तदान कार्यक्रममा इलाका प्रहरी कार्यालय भालुवाङका ३ जना प्रहरी जवान, ससत्र प्रहरीका ५ जना प्रहरी जवान, विभिन्न संघ सस्थाका प्रमुख र स्थानीय गरी ४० जनाले रक्तदान गरेका थिए ।
शिविरमा लालमटिया निवासी भुवानन्द भुसालले ४० वर्षको उमेर सम्ममा १३ पटक रक्तदान गरेका छन् । शिविरमा रक्त सञ्चार सेवा केन्द्रका प्रमुख दिलिप न्यौपाने र प्राविधिकहरु इच्छा बुढा,गोपीचन्द्र चौधरी, दिल्सा वली, यशोदा थापा रहेका थिए । रक्तदान कार्यक्रम बैंकका शाखा प्रबन्र्धक मेघराज पौडेलको अध्यक्षतामा भएको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
