नेपाली कांग्रेसले सोमबार केन्द्रीय कार्यसमिति बैठक आवहन गरेको छ ।
आइतबार केहीबेर बसेर स्थगित बैठक सोमबार दिउँसो १ बजे बस्ने मुख्यसचिव कृष्णप्रसाद पौडेलले बताए । ‘आज बैठक सकियो, भोलि १ बजे फेरि बस्छ,’ उनले भने ।
बरिष्ठ नेता रामचन्द्र पौडेल पक्षका नेताहरूले छलफलको एजेन्डा १४ औं महाधिवेशनको कार्यतालिकाबारे हुनुपर्ने अडान राखेर बैठक बहिष्कार गरेका थिए ।
सभापति शेरबहादुर देउवाले विभाग थप गरी गठन गर्नेलगायत ९ एजेन्डा गत बिहीबार बैठकमा पेश गरेका छन् । उक्त एजेन्डामा छलफल गर्न आइतबार केन्द्रीय कार्यसमिति बैठक डाकेपनि दुई घण्टा ढिला सुरू बैठक केहीबेरमै टुंगिएको हो ।
बरिष्ठ नेता पौडेल पाथीभरा दर्शनका लागि गएका छन् । पौडेल आजै काठमाडौं फर्कने र उनीपक्षका नेतासँग छलफल गरी सहमतिबाटै सोमबार बैठक चलाउने भन्दै स्थगित गरिएको हो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
