चितवनको राप्ती नगरपालिका १ लोथरस्थित पूर्वपश्चिम राजमार्गमा ना।५ ख ८७४३ नम्बर र ना।६ ख ७९६७ नम्बरको ट्रक सोमाबर बिहान एकआपसमा ठक्कर खाई दुर्घटना हुँदा ना।६ ख ७९६७ नम्बरको ट्रक चालक झापा कन्काई नगरपालिका १ बस्ने ४० वर्षीय अर्जुन जोगीको मृत्यु भएको छ ।
दुर्घटनामा गम्भीर घाइते भएका अर्जुनको पुरानो मेडिकल कलेज भरतपुरमा उपचारको क्रममा मृत्यु भएको हो । दुर्घटनामा घाइते भएका अन्य ३ जनाको सोही अस्पतालमा उपचार भइरहेको छ ।
उदयपुर, चौदण्डीगढी नगरपालिका(२ सुगारेस्थित सडकमा को।२ त ६२५१ नम्बरको ट्याक्टरबाट लडेर सोही ठाउँ बस्ने ७ वर्षीया रोशिका कार्कीको मृत्यु भएको छ । ट्रयाक्टरबाट लडेर गम्भीर घाइते भएकी रोशिकाको शुभकामना मेडिकल बेल्टारमा उपचारको क्रममा मृत्यु भएको हो ।
ट्रयाक्टर र चालकलाई प्रहरीले नियन्त्रणमा लिएको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
