ओमप्रकाश गुप्ता
नेपाल रेडक्रस सोसाइटी उपशाखा लालमटियाको सोमबार राप्ती गाउँपालिका ३ मसुरीयामा भएको ५ औँ अधिवेशनले महेशकुमार शर्मालाई उपशाखा सभापतिमा सर्वसहमतिले चयन गरेको । त्यसै गरि उपशाखाको उपसभापति मेनुका शर्मा ,सचिवमा प्रमोद पाैडेल,उपसचिव मा सर्यप्रसाद सुवेदी, कोषाध्यक्षमा उत्तमकुमार अधिकारी ,उपकोषाध्यक्षमा जिवराज शर्मा र सदस्यहरूमा गोविन्द कुवर क्षेत्री ,कृष्णबहादुर विष्ट,ठाकुर सुवेदी,शान्ता शाही र जितेन्द्र गुप्तालाई पनि सर्वसहमतिले चयन गरेको छ । यसै बित नव गठित कार्यसमितिलाई सपथ ग्रहण समेत गराइएको छ ।
लालमटिया उपशाखाका सभापती गंगाराम भट्टराईको अध्यक्षता एवम् राप्ती गाउँपालिकाका अध्यक्ष नुमानन्द सुवेदीको प्रमुख आतिथ्यतामा भएको सभामा वार्षिक प्रगती प्रतिवेदन सचिव प्रमोद पौडेल र आर्थिक प्रतिवेदन कोषाध्यक्ष उत्तम अधिकारीले प्रस्तुत गरेका थिए । उपसभापती रामस्वरुप बर्माको स्वागत मन्तव्यबाट सुरु भएको कार्यक्रममा रेडक्रस दाङका मन्त्री मदन गौतम,पत्रकार महेश रिजाल, रेडक्रस गढवाका पुर्व सभापती मोहनकुमार पाण्डे, निर्वाचन अधिकृत प्रकाश श्रीबन्द लगायतका वक्ताहरुले शुभकामना मन्तव्य व्यक्त गरेका थिए । कार्यक्रममा आजिवन सदस्यहरु महेश रिजाल,रामस्वरुप बर्मा र भरत अधिकारीलाई सम्मान गरिएको थियो । कार्यक्रमको सञ्चालन सचिव प्रमोद पौडेलले गरेका थिए ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
