सरस्वती युथमाथि ४–० गोल गर्दे एनआरटीको विजयी सुरुवात

सहिद स्मारक ए डिभिजन लिग फुटबलमा न्युरोड टिम एनआरटीले विजयी सुरुवात गरेको छ ।

सातदोबाटोस्थित एन्फा कम्प्लेक्समा मंगलबार सरस्वती युथ क्लबलाई ४–० गोल अन्तरले पराजित गर्दै एनआरटीले सुखद सुरुवात गरेको हो ।
एनआरटीको जितमा सरोज तामाङले दुई गोल गरे । यस्तै जुनियर ओन्गुएने निकेन्ग्यु र जोर्डन एनडेम्बाले एक एक गोल गरे ।

यस्तै एनआरटीले गत सिजन व्यहोरेको हारको बद्ला समेत लिएको छ । गत सिजन सरस्वती २(१ ले विजयी भएको थियो । सरस्वतीले भने हारबाट लिगको सुरुवात गरेको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।