ओमप्रकाश ,
सिसहनियाँ २ पुस । देउखुरीमा अज्ञात गाडीको ठक्करबाट मोटरसाइकलमा सवार २ जना घाइते भएका छन् । लमही ( भालुवाङ सडक खण्डको राप्ती गाउँपालिका ५ पहरूवा चोकमा बुधबार दुर्घटना भएको हो ।
तुलसीपुर देखि काठमाडौं जाँदै गरेको रा ५ प ७१५३ नम्बरको मोटरसाइकललाई पुर्वबाट पश्चिम गइरहेको अज्ञात गाडीले मोटरसाइकललाई ठक्कर दिदा मोटरसाइकल चालक तुलसीपुर उपमहानगरपालिका ६ बस्ने २२ वर्षिय शिवराज डाँगी गम्भीर घाइते भएका छन् भने मोटरसाइकल पछाडि बसेका सोही ठाउँ निवासी १९ वर्षिय सुमन अधिकारी सामान्य घाइते भएको प्रहरीले जनाएको छ ।
घाइते दुवैलाई विष्ट स्वास्थ्य पोलिक्लनीक सिसहनियाँमा सामान्य उपचार पछि गम्भीर घाइते डाँगीको खुट्टा भाँचिएकोले थप उपचारका लागि बुटवल पठाइएको प्रहरी चौकी सिसहनियाँले जानकारी दिएको छ । ठक्कर दिने गाडीको खोजी कार्य जारी रहेको पनि प्रहरीले बताएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
