ओमप्रकाश ,
सिसहनियाँ २ पुस । देउखुरीमा अज्ञात गाडीको ठक्करबाट गम्भीर घाइते मोटरसाइकल चालकको मृत्यु भएको छ । लमही – भालुवाङ सडक खण्डको राप्ती गाउँपालिका ५ पहरूवा चोकमा बुधबार विहान ५: ३० बजेको समयमा तुलसीपुर देखि काठमाडौं जाँदै गरेको रा ५ प ७१५३ नम्बरको मोटरसाइकललाई पुर्वबाट पश्चिम गइरहेको अज्ञात गाडीले मोटरसाइकललाई ठक्कर दिदा मोटरसाइकल चालक तुलसीपुर उपमहानगरपालिका ६ बस्ने २२ वर्षिय शिवराज डाँगीको बुटवलमा उपचारका क्रममा विहान ९:३० बजे मृत्यु भएको इलाका प्रहरी कार्यालय भालुवाङले जानकारी दिएको छ ।
मोटरसाइकल पछाडि बसेका सोही ठाउँ निवासी १९ वर्षिय सुमन अधिकारी भने सामान्य घाइते भएका छन् । घाइते दुवैलाई विष्ट स्वास्थ्य पोलिक्लनीक सिसहनियाँमा उपचार गरिएको छ । ठक्कर दिने गाडीको खोजी कार्य जारी रहेको प्रहरीले बताएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
