उर्मिला यादव सुनवल
पश्चिम नवलपरासीको पाल्हीनन्दन गाउपालिका वडा नम्बर तीन कुस्मामा किशोर किशोरी सशक्तिकरण काबेली परियोजना अन्तर्गत आज बुधबार संवाद समितीका सदस्यहरु र अभिभावकहरु बिच संवाद कार्यक्रमबारे अन्तक्रिया कार्यक्रम सम्पन्न भएको छ । संवाद समितीका अध्यक्ष जडावती लानियाको अध्यक्षता तथा पाल्हिनन्दन गाउपालिका वडा नम्बर तीनका वडाध्यक्ष बोधन प्रसाद हरीजनको प्रमुख आथित्यतामा कार्यक्रम सम्पन्न भएको हो ।
एबिसी नेपालको आयोजना तथा स्ट्रोम फाउन्डेसनको सहयोग एवम पाल्हिनन्दन गाउपालिकाको समन्वय र सहयोगमा सम्पन्न भएको कार्यक्रममा संवाद समितिहरुका पदाधिकारी तथा अभिभावकहरुलाई संवाद कार्यक्रमका उदेश्यको बारेमा जानकारी गराइएको थियो । ६५ जनाको सहभागिता रहेको कार्यक्रममा एबिसी नेपालका सि. बि. एम. ए. एस राजेश कुमार आर्य र संजिव शर्माले सहजीकरण गर्नु भएको थियो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
