काठमाडौं, पुस ४ । सहिद स्मारक ‘ए’ डिभिजन लिग फुटबलमा शुक्रबारदेखि दोस्रो चरणका खेलहरु सुरु हुँदैछन् । दोस्रो चरणको पहिलो दिन शुक्रबार दुई खेल हुँदैछन् ।
दिनको पहिलो खेलमा च्यासल युथ क्लब र मच्छिन्द्र क्लब भिड्नेछन् । यो खेल सातदोबाटोस्थित एन्फा मैदानमा मध्याह्न १२ बजे सुरु हुनेछ ।
राष्ट्रिय टोलीका अनुभवी खेलाडीहरु रहेका यी दुई टोली लगातार दोस्रो जितको खोजीमा छन् ।
शुक्रबारको दोस्रो खेल ब्रिगेड ब्वाइज क्लब र फ्रेन्ड्स क्लबबीच हुनेछ । यो खेल दिउँसो ३ बजे दशरथ रंगशालामा सुरु हुनेछ ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
