काठमाडौं, ७ पुस
गुण्डागर्दीमा संलग्न रहेको अभियोगमा २ जनालाई महानगरीय अपराध महाशाखाको कोटेश्वर काठमाडौंबाट प्रहरीले पक्राउ गरेको छ ।
पक्राउ परेका कोटेश्वर बस्ने नवलपुर देउचुली नगरपालिका(१३ घर भएका ४४ वर्षीय दुर्गा भन्ने देवान राईलाई शुक्रवार साँझ र काठमाडौं गोठाटार बस्ने काभ्रे नमोबुद्ध नगरपालिका(५ घर भएका ४२ वर्षीय बिष्णु बहादुर धिताललाई शनिबार दिउँसो प्रहरीले पक्राउ गरेको हो ।
काठमाडौ उपत्यकामा सर्वसाधारण तथा ब्यापारीहरुलाई फोन मार्फत धम्काई रकम माग गरी दुस्ख दिने र नदिएमा हातहतियार देखाई ज्यान मार्ने तथा हात खुट्टा भाँचिदिने भनि धाकधम्की समेत दिई त्रास पैदा गर्ने जस्ता कार्य गरेको गुनासोको आधारमा खटिएको प्रहरीले उनीहरुलाई पक्राउ गरेको हो ।
पक्राउ परेका उनिहरुलाई आवश्यक कारबाहीको लागि महानगरीय प्रहरी परिसर काठमाडौं पठाइएको उक्त महाशाखाले जनाएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
