सैघाली खबर
दाङ, १९ कार्तिक । अगामी मंसिर २१ गते हुन लागिरहेको दोस्रो चरणको प्रतिनिधि सभा र प्रदेश सभाको निर्वाचनका लागि उम्मेदवारी दिएका ८९ जना उम्मेदवारहरु मध्ये ८ जनाले आफ्नो उम्मेदवारी फिर्ता लगेका छन ।
गत कार्तिक १६ गते विहिवार बागी तथा स्वतन्त्र उम्मेदवारीका रुपमा उम्मेदवारी दिएका उम्मेदवारहरुले आईतवार आफ्नो उम्मेदवारी फिर्ता लगेको हुन । उम्मेदवारी फिर्ता लग्नेहरुमा दलगत रुपमा चार र स्वतन्त्र चार जना रहेका छन ।
दाङ क्षेत्र १ ख वाट एकजना, दाङ क्षेत्र नं २ क वाट राप्रपा र राप्रपा राष्ट्रवादी एक÷एक जना गरी दुई र क्षेत्र नं. ३ वाट प्रतिनिधि सभा र प्रदेश सभा क वाट दुई र ख वाट दुई जनाले रहेका छन । जसमा क्षेत्र नं. १ ख वाट प्रदेश सभा सदस्यका स्वतन्त्र उम्मेदवारी दिएका जगनारायण चौधरी , क्षेत्र नं. २ क वाट प्रदेश सभा सदस्य उम्मेदवारी दिएका राष्ट्रिय प्रजातन्त्र पार्टीका ‘प्रजातान्त्रिक’ का ईश्वरी प्रसाद शर्मा र एकिकृत राप्रपा ‘राष्ट्रवादी ’ तर्फवाट
उम्मेदवारी दिएका राम वहादुर भण्डारी क्षेत्रले उम्मेदवारी फिर्ता लगेको मुख्य निर्वाचनको कार्यालयले दाङले जनाएको छ ।
मुख्य निर्वाचन अधिकृतको कार्यालय दाङका मुख्य निर्वाचन अधिकृत हेमन्त रावलका अनुसार दाङ क्षेत्र नंं.३ वाट ५ जनाले उम्मेदवारी फिर्ता लिएको जानकारी दिनुभयो । प्रनितिधि सभाका लागि दाङ क्षेत्र नंं. ३ वाट स्वतन्त्र उम्मेदवारी दिनुभएका कोमल वंलीले पनि आफ्नो उम्मेदवारी फिर्ता लिनु भएको छ । वंली नेकपा एमाले समर्थक हुनुहुन्छन ।
त्यस्तै स्वतन्त्र तर्फवाट क्षेत्र नंं. ३ क वाट प्रदेश सभा सदस्यका लागि उम्मेदवारी दिएका नेपाल माओवादी केन्द्रका नेता पुर्व सासद कुवेर बहादुर वंली र राष्ट्रिय प्रजांतन्त्र पार्टीका हरिभक्त भण्डारीले आफ्नो उम्मेदवारी फिर्ता लगेको जानकारी दिनुभयो । त्यस्तै क्षेत्र नंं. ३ ख वाट प्रदेश सभा सदस्यका लागि स्वतन्त्र उम्मेदवारी दिनुभएका गेदुलाल भण्डारीले पनि आफ्नो उम्मेदवारी फिर्ता लिनुभएको छ । भण्डारी नेकपा माओवादी केन्द्र समर्थक हुनुहुन्छ । क्षेत्र नं. ३ ख वाट प्रदेश सभा सदस्याका लागि राष्ट्रिय प्रजातन्त्र पार्टीको तर्फ बाट उम्मेदवारी दिएका भुपाल रावतले पनि आफ्नो उम्मेदवारी फिर्ता लगेको मुख्य निर्वाचन अधिकृत हेमन्त रावलले जानकारीदिनुभयो । रावलले उम्मेदवारी फिर्ता लगेका आठ जनाको धरौटी जमानत पनि फिर्ता दिईसकेको जानकारी दिनुभयो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
