कैलालीमा ६५ लाख भारतीय रुपैँया सहित तीन जनालाई पक्राउ गरिएको छ।
चोरीमा संग्लन श्रीमानश्रीमती सहित तीन जनालाई पक्राउ गरिएको हो। भारतको राजधानी दिल्लीका विशेश्वर अग्रवालको कार्यालयबाट नगद र गरगहना चोरी भएको जानकारी पाएपछि खटिएको कैलाली प्रहरीले जिल्लाको गौरीगंगा २ की बिन्दा थापालाई सुरुवातमा पक्राउ गरिएकोमा पछि थप दुई जनालाई पक्राउ गरिएको जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले बताए ।
बाजुरको बुढिगंगा –१ घर भएका २९ बर्षीय जयसिंह थापा र उनकी श्रीमती मनाकुमारी खड्कालाई पक्राउ गरिएको उनले बताए। बिन्दा थापाको कच्ची घरमा रहेको कोठा भित्र खटियामुनी खाल्टो खनेर टिनको बाकस भित्र प्लाष्टिक र कपडामा बेरी लुकाईछिपाई गरी राखेको अवस्थामा ६५ लाख नगद बरामद गरिएको जिल्ला प्रहरी कार्यालय कैलालीले जनाएको छ। चोरीपछि कैलाली आएका अग्रवालले एक करोड ४ लाख बढि चोरी भएको बताउँदै आएका छन्।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।