सैघाली खबर
काठमाडौं, २३ कार्तिक
निर्वाचन आयोगले राजनीतिक दल वा उम्मेदवारले चुनाव प्रचारमा विदेशी नम्बर प्लेटका सवारी साधन प्रयोग गर्नुपरेमा मुख्य निर्वाचन अधिकृत र निर्वाचन अधिकृतबाट पूर्वअनुमति लिनुपर्ने व्यवस्था गरेको छ ।
आगामी मंसिर १० र २१ गते हुने प्रतिनिधि सभा र प्रदेश सभा सदस्य निर्वाचनमा प्रचारप्रसारको प्रयोजनमा विभिन्न राजनीतिक दल र उम्मेदरवारले प्रयोगमा ल्याउने विदेशी नम्बर प्लेटका सवारी साधनको नियमन, नियन्त्रण र व्यवस्थापनका लागि हिजो बसेको बैठकले गृह मन्त्रालय, भन्सार विभाग र यातायात व्यवस्था विभागलाई पत्राचार गर्ने निर्णय पनि गरेको छ । दल वा उम्मेदवारले चुनाव प्रचारप्रसारमा विदेशी नम्बर प्लेटका गाडी प्रयोग गर्नुपरे अनुमति लिनुपर्ने भएको आयोग प्रवक्ता नवराज ढकालले जानकारी दिनुभयो ।