सैघाली खबर
काठमाडौं,२४ कार्तिक
सरकारले उखु किसानको समस्या समाधानका लागि गम्भीर भएर लागेको जनाएको छ । उद्योगले उधारोमा उखु किन्ने, लामो समयसम्म किसानलाई पैसा नदिने, उखुुको मूल्य उद्योगले मनोमानी निर्धारण गर्नेजस्ता विषयमा गम्भीर छलफल भएको कृषि मन्त्रालयले जनाएको छ ।
कृषि मन्त्रालयका प्रवक्ता योगेन्द्र कार्कीले उखु किसानले समस्या परेमा किसान आयोगमा पनि आफ्ना समस्या राख्न सक्ने बताउनुभयो । अहिले उखुको मूल्य तोक्न नसक्दा किसानहरुलाई समस्या भएको छ । चुनावका कारण मूल्य तोक्नेकाम फेरि पछि धकेलिने देखिएको छ । काट्ने बेला भएपछि उखुको मूल्य निर्धारण गर्ने कुरा चल्ने, कुरा नमिलेर वार्ता लम्बिँदै जाने र उखु काट्न अबेर भइसक्ने डर भएपछि सहमति हुने रीत वर्षौंदेखि चलिरहेको छ । यसपालि किसानले समयमै मूल्य निर्धारणको माग उठाइरहेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
