सैघाली खबर काठमाडौं,२६ कार्तिक
आज बाट बाटो बन्द गरी सडक निर्माणको कामलाई तिव्रता दिने भनिएको भनिएको नारायणगढ मुग्लिन सडकखण्ड बन्द नहुने भएको छ । हिजो दिनभरी रोकिएका सवारी साधानलाई गनतव्य तर्फ जान दिनको लागि तालिका अनुसार बाटो बन्द नहुने भएको हो । सडकखण्ड अन्र्तगत सेतीदोभानमा चट्टान फोर्ने क्रममा हिजो विहान १० बजेदेखि राती ९ बजेसम्म बाटो अवरुद्ध भएको थियो ।
सवारी साधानको चाप घटेपछि सडक बन्द गर्ने विषयमा छलफल हुने जिल्ला ट्राफिक प्रहरी कार्यालय चितवनका प्रमुख प्रहरी निरिक्षक संतोष पन्तले जानकारी दिनुभयो । सडक मर्मतको कामलाई तिव्रता दिने भन्दै आजबाटै विहान ७ बजेदेखी साढे ८ साढे, ११ देखि १२, दिउँसो १ देखी २ र ३ देखि ४ बजेसम्म बाटो बन्द गर्ने तालिका रहेको थियो । भोलीबाट तालिका अनुसारनै काम हुने उहाँले जानकारी दिनुभयो ।
नारायणगढ मुग्लिन सडकखण्डको काम अहिले सम्म ५९ प्रतिशत सम्पन्न भएको छ । आगामी चैत्र सम्ममा सक्ने गरी काम भइरहेको नारायणगढ मुग्लिन सडकखण्ड आयोजनाका इन्जिनियर सिव खनालले जानकारी दिनुभयो ।