काठमाडौं । मलेसिया सरकारले आजबाट दुई सातासम्म विदेश नागरिकलाई प्रवेशमा रोक लगाएको छ ।कोभिड नाइन्टिनको जोखिम नियन्त्रणका लागि भन्दै चैत्र ५ गतेदेखि १८ गतेसम्म नेपालीसहित सबै विदेशीलाई मेलेसिया प्रवेशमा रोक लगाइएको हो ।
यसबाट नेपाली श्रमिक बढी प्रभावित हुनेछन् । घर बिदामा नेपाल आएका पनि यो बीचमा फर्कन नपाउने भएका छन् ।मलेसियाबाट नेपाल फर्कन चाहनेका लागि भने कुनै अवरोध नरहेकोको मलेसियास्थित नेपाली दूतावासले जनाएको छ ।
नेपाली श्रमिकका लागि मलेसिया, कतार र साउदी अरब पछिको प्रमुख गन्तव्य मुलुक मानिन्छ । मलेसियामा पांच लाखभन्दा बढी नेपाली रहेको अनुमान छ ।
तर त्यहां कार्यरत रहेका नेपाली श्रमिकमा भने कोरोनाको संक्रमण देखिएको छैन । कतारले यसअघि नेपालीसहित १४ देशका नागरिकलाई यसअघि नै प्रवेशमा रोक लगाएको छ ।
यसैबीच नेपाल वायु सेवा निगमले मलेसियाको क्वालालम्पुरको नियमित उडान तत्कालका लागि स्थगित गरेको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
