अर्घाखाँची । अर्घाखाँची अस्पतालमा कोरोना भाइरसको लक्षण देखिएपछि दुई जनालाई बुटवलस्थित लुम्बिनी प्रादेशिक अस्पताल रिफर गरिएको छ ।
रिफर हुनेमा शीतगंगा नगरपालिकाको सितापुरका २४ वर्षीय युवा र मालारानी गाउँपालिका खनका १९ वर्षीय एक युवकलाई हिजो साँझ रिफर गरिएको अर्घाखाँची अस्पतालका प्रमुख डाक्टर कपिल गौतमले जानकारी दिए ।
६ दिनअघि भारतबाट आएका उनीहरु गाउँमा बिरामी भएका थिए । कोरोना भाइरसको त्रास बढिरहेका बेला मिल्दोजुल्दो लक्षण देखिएपछि जाँच गर्न बुटवल रिफर गरिएको डाक्टर गौतमले बताए ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
