कोरोना भाइरस (कोभिड–१९) को संक्रमणबाट बच्नका लागि भारतसँग सीमाना जोडिएका कपिलबस्तुका सम्पूर्ण नाका बन्द भए लगत्तै सरकारले लकडाउन घोषणा गरेको बुधबार दोस्रो दिन पनि कपिलबस्तुको जनजीवन थप ठप्प रह्यो । विहानको समयमा मानिसहरू केही बाहिर निस्किए पनि अति आवश्यक बाहेक सम्पूर्ण सेवा बन्द रहेकाले कपिलबस्तु पुरै सुनसान बनेको थियो ।
त्यस्तै भारतबाट फर्किएका कपिलबस्तुका विभिन्न नाका बाट ४५ जना नेपालीलाई कोरोना भारईस संक्रमित भए नभएको यकिन गर्न स्वास्थ्य परिक्षण गरिएको र परिक्षणका लागि काठमान्डौ पठाउन नमुना रक्त समेत पठाइएको प्रमुख जिल्ला अधिकारी दिर्घ नारायण पौडेलेले जानकारी गराउनु भएकोे छ ।
कपिलबस्तुकोे मर्यादपुर सीमानाका बाट नेपाल फर्किनेक्रममा ८ जना, कृष्णनगर सीमानाका बाट ३६ जना र चाकरचौडा सीमानाका बाट १ जना गरी ३ महिला ४२ पु्रुष लगायत ४५ जनालाई कोरानाको शंकास्पद लक्षणहरु देखिए पछि उहाहरुलाई जिल्लाका बिभिन्न क्वारेन्टाईनमा राखिएको थियो ।
यसै गरि भारत देखि कृष्णनगर सीमानाका बाट फर्किएका ३६ जना मध्ये ७ जना अर्घाखाचीका रहेको हुदा उहाहरुलाई उनकै जिल्ला नजिकको क्वारेन्टाईनमा र ५ जनालाई कपिलबस्तुको महाराजगंज नगरपालिकामा पठाइएको प्रमुख जिल्ला अधिकारी पौडेलेले जानकारी गराउनु भएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।