काठमाडौं । इंग्लीश फुटबल क्लब लिभरपूलले खेलाडीबाहेकका कर्मचारी अस्थायीरुपले कटौती गरेको छ ।
कोरोना भाइरसका कारण फुटबल गतिविधी बन्द रहेको अवस्थामा लिभरपुलले आफ्नो क्लवका गैरखेलाडी कर्मचारीलाई केहि समयका लागि बिदा दिएको हो ।
बिदामा रहेपनि उनीहरुको तलव दिने क्लवले जनाएको छ । उनीहरुको ८० प्रतिशत तलब सरकारी राहत प्याकेजमार्फत हुनेछ भने अपुग २० प्रतिशत क्लबले बेहोर्नेछ ।
कोरोना भाइरसको प्रभाव पुर्ण रुपमा नियन्त्रणमा नआएसम्मका लागि फुटबल सुचारु गर्न कठिन देखिएपछि इंग्लीश प्रिमियर क्लबहरुले भटाभट कर्मचारी तथा खर्च कटौती गर्न थालेका छन् ।
यसअघि न्यूक्यासल युनाईटेड, टोटनह्याम हट्सपर, बर्नमाउथ र नरीच सिटीले पनि गैरखेलाडी कर्मचारीलाई बिदा दिएका थिए ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।