सैघाली खबर
काठमाडौं,१२ मंसिर
प्रदेश तथा प्रतिनिधिसभाको पहिलो चरणको निर्वाचन सम्पन्न भएलगत्तै राजनीतिक दलहरू दोस्रो चरणको निर्वाचनमा केन्द्रित भएका छन् । आजदेखि दलहरुले चुनावी प्रचार रणनीति बनाएर अघि बढ्ने बताएका छन् ।
पहिलो चरणमा उम्मेदवार बनेका नेताहरु आजदेखि दोस्रो चरणको प्रचारमा खटिदैछन् । २१ मंसिरमा हुने दोस्रो चरणको निर्वाचनअन्तर्गत ४५ जिल्लाका प्रतिनिधिसभातर्फ १ सय २८ र प्रदेशसभातर्फ २ सय ५६ सिटका लागि प्रतिस्पर्धा हुँदैछ ।
कांग्रेस केन्द्रीय निर्वाचन परिचालन समितिका संयोजक बालकृष्ण खाँडले पहिलो चरणमा निर्वाचनमा उम्मेदवार भएका प्रभावशाली नेतालाई दोस्रो चरणको निर्वाचनमा परिचालन गरिने जानकारी दिनुभयो ।
एमाले सचिव एवं प्रचार विभाग प्रमुख योगेश भट्टराईले पहिलो चरणको निर्वाचन सम्पन्न भएसँगै अब पार्टीको सम्पूर्ण ध्यान दोस्रो चरणको निर्वाचनमा केन्द्रित भएको बताउनुभयो ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
