१ सय २८ निर्वाचन क्षेत्रका लागि ८८ जना सुक्ष्म अनुगमन कर्ता परिचालन



सैघाली खबर
काठमाडौं,१५ मंसिर

निर्वाचन आयोगले दोस्रो चरणमा हुने प्रदेश तथा प्रतिनिधिसभा सदस्य निर्वाचनका लागि आज बाट सुक्ष्म अनुगमन कर्ता खटाउने भएको छ । यही मंसिर २१ गते हुने ४५ जिल्लाका १ सय २८ निर्वाचन क्षेत्रका लागि उपसचिव स्तरका ८८ जना सुक्ष्म अनुगमन कर्ता लाई परिचालन गरिएको प्रमुख निर्वाचन आयुक्त डा अयोधीप्रसाद यादवले जानकारी दिनुभयो ।

उनीहरुले आज देखि २२ गतेसम्म सूक्ष्म अनुगमन गर्नेछन् । अनुगमनका क्रममा देखिएका आचार संहिता विपरितका क्रियाकलापका बारेमा उनीहरुले आयोगलाई जानकारी गराउनुपर्नेछ ।

आयोगका सहसचिव नवराज ढकालले निर्वाचन प्रक्रिया, सूक्ष्म अनुगमनकर्ताको भूमिका र जिम्मेवारी, निर्वाचन आचार संहिताको पालना र उल्लङ्घन भएमा हुने कारबाही लगायतका विषयमा सूक्ष्म अनुगमन कर्तालाई हिजो प्रशिक्षण दिनुभएको थियो ।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्