स्थगित भएको पश्चिम रुकुमका दुई मतदान केन्द्रमा आज मतदात हुँदै

सैघाली खबर काठमाडौं,१५ मंसिर

स्थगित भएको पश्चिम रुकुमका दुई मतदान केन्द्रमा आज मतदात हुँदैछ ।पश्चिम रुकुमका बाँफीकोट गाउँपालिका र आठबिसकोट नगरपालिकाका एक÷एक मतदान केन्द्रमा मतदान हुन लागेको हो ।

पहिलो चरणको निर्वाचनका क्रममा मतपेटिकामा एसिड हालिदिँदा मतपत्र जलेपछि स्थगित भएका केन्द्रमा पुनः मतदान हुन लागेको निर्वाचन आयोगका प्रवक्ता नवराज ढकालले जानकारी दिनुभयो ।

बाँफीकोट गाउँपालिका ५ को रत्न आधारभूत विद्यालय काँडाको (क) मतदान केन्द्रमा प्रतिनिधिसभा सदस्यको र आठबिसकोट नगरपालिका ११ को नेपाल राष्ट्रिय मावि गतसैनाको (ख) मतदान केन्द्रमा समानुपातिक तर्फको मतदान हुने मुख्य निर्वाचन अधिकृत काजीबहादुर राईले बताउनुभयो ।

बाँफीकोटको मतदान केन्द्रको मतपेटिकामा २ सय ४६ मत र आठबिसकोटको मतपेटिकामा ३ सय ३ मत खसेका बेला मतपेटिकामा आगो लागेको थियो ।